Deko Yamalın gələcəyi ilə bağlı danışdı

"Barselona"nın idman direktoru Deko, futbolçu Lamin Yamalın gələcəyi ilə bağlı açıqlama verib.

90deqiqe.az xəbər verir ki, o, ispan oyunçunun  18 yaşı tamam olan kimi onunla müqaviləni uzadacağını bildirib.

"Onun 18 yaşı tamam olan kimi onunla müqaviləni uzadacağıq. Biz artıq keçən yay bu istiqamətdə işə başlamışıq, Laminin hazırkı müqaviləsində daha üç il var və 18 yaşı tamam olanda biz yeni müqavilə bağlayacağıq"

Yamal katalonların yetirməsidir və 2023-cü ilin yayında "Barselona"nın əsas komandasına qoşulub. Bu mövsüm 16 yaşlı futbolçu "mavi qranatlar"ın heyətində bütün turnirlərdə 32 oyunda iştirak edib, 3 qol vurub və 5 məhsuldar ötürmə edib. Transfermarkt internet portalına görə futbolçunun bazar dəyəri 60 milyon avrodur.