Levandovski "Barselona"dakı hədəflərindən danışdı

"Barselona"nın hücumçusu Robert Levandovski komandadakı hədəflərindən danışıb.

90deqiqe.az xəbər verir ki, polşalı forvard yenidən "KampNou"da çıxış etmək istədiyini bildirib.

“Məqsədlərdən biri yenidən Kamp Nou-da oynamaqdır. Bu sehrli stadion, sehrli meydandır. Düşünürəm ki, daha on ay gözləməli olacağıq və sonra bu atmosferi yenidən hiss edə biləcəyik”

Xatırladaq ki, bu mövsüm 35 yaşlı futbolçu bütün turnirlərdə 30 matçda iştirak edib, 13 qol vurub, 6 məhsuldar ötürmə edib. Futbolçunun klubla hazırkı əmək müqaviləsi 2026-cı ilin yayına kimi nəzərdə tutulub. Transfermarkt portalında verilən məlumata görə, Levandovskinin hazırkı bazar dəyəri 20 milyon avrodur.Futbolçu karyerasında Levandovski Varşavanın "Delta", "Legia", "Znich", "Lex", "Borussiya Dortmund" və "Bavariya"da çıxış edib.