“Barselona” Frenki de Yonqla yeni müqavilə imzalaya bilər

"Barselona" rəhbərliyi yarımmüdafiəçi Frenkie de Yonqa yeni müqavilə təklif edib.

90deqiqe.Az xəbər verir ki, bu barədə  jurnalist Jerar Romero "X" sosial şəbəkəsində (keçmiş Twitter) yazıb.

O, hollandiyalı futbolçunun yeni əmək müqaviləsində onun maaşının azaldılmasını nəzərdə tutduğu, lakin onun məbləği göstərilmədiyini qeyd edib. 26 yaşlı futbolçunun bu təklifə bir neçə həftə ərzində cavab verməsi gözlənilir.

Xatırladaq ki, de Yonqun hazırkı müqaviləsi 2026-cı ilin yayına qədərdir.

Daha əvvəl mətbuatda "Barselona"nın yarımmüdafiəçini 2029-cu ilə qədər klubda saxlamaq istədiyi barədə məlumat yayılmışdı.

Bu mövsüm yarımmüdafiəçi bütün turnirlərdə 23 matçda iştirak edib və bir qol vurub. Transfermarkt portalında verilən məlumata görə, futbolçunun bazar dəyəri 80 milyon avrodur.