"Barselona" De Yonqla bağlı qərar verdi

İspaniyanın “Barselona” klubu yarımmüdafiəçisi Frenki de Yonqla bağlı qərarını verib.

90deqiqe.Az xəbər verir ki, katalonlar niderlandlı futbolçunun klubla müqaviləni yeniləməkdən imtina edəcəyi təqdirdə onu yayda satışa çıxaracaq.

Xatırladaq ki, “Barselona” daha əvvəl de Yonqa maaş azaldılması ilə 2029-cu ilin yayına qədər yeni müqavilə təklif etmişdi, lakin Frenkie sadəcə olaraq bu təklifə məhəl qoymadı. "Tottenhem"in yarımmüdafiəçi üçün 60 milyon avro təklif etdiyi də bildirilirdi.

De Yonqun hazırkı müqaviləsi 2026-cı ilin yayına kimi nəzərdə tutulub. Bu mövsüm yarımmüdafiəçi bütün turnirlərdə 23 matçda iştirak edib və bir qol vurub. Transfermarkt portalında verilən məlumata görə, futbolçunun bazar dəyəri 80 milyon avrodur.