"Kimin çempion olacağına yalnız "Real" qərar verə bilər"

"Real Madrid"in yarımmüdafiəçisi Toni Kroos bu mövsüm çempionluq titulu uğrunda mübarizədən danışıb.

90deqiqe.Az-ın məlumatına görə, alman oyunçu kimin çempion olacaqlarını ancaq özlərinin qərar verdiyini bildirib.

“La Liqa? Kimin çempion olacağına yalnız biz qərar verəcəyik. Əgər qalib gəlməsək, o zaman buna görə yalnız biz günahlandırıla bilərik”

La Liqanın 2023/2024 mövsümünün 24 turundan sonra "Real" növbəti pillədəki "Jirona"nı 5 xal qabaqlayaraq turnir cədvəlində birinci yerdədir. Toni Kroos bu mövsüm bütün turnirlərdə 32 oyun keçirib, 1 qol vurub və 7 məhsuldar ötürmə edib. Alman yarımmüdafiəçinin ispan klubu ilə hazırkı müqaviləsi 2024-cü ilin iyun ayının sonuna qədərdir. Nüfuzlu onlayn portal Transfermarkt 34 yaşlı Kroosun bazar dəyərini 14 milyon avro qiymətləndirir.