“Biz “kişilikdən uzaq” bir iş görəndə daim tənqid olunuruq"

“Arsenal”ın sabiq futbolçusu, “Betis” klubunun müdafiəçisi Hektor Bellerin futbolçulara ünvanlanan tənqidlər haqda fikirlərini bölüşüb.

90deqiqe.Az xəbər verir ki, 28 yaşlı futbolçu moda ilə məşğul olduqlarında daim tənqidlərlə üzləşdiyini bildirib.

“Biz “kişilikdən uzaq” bir iş görəndə daim tənqid olunuruq. Dərhal “futbol oynamaq” üçün qeyrətli çağırışlar başlayır. PlayStation, yarış avtomobilləri - burada hər şey yaxşıdır. Bununla belə, mən moda nümayişinə gedəndə Borja İqlesias dırnaqlarını boyayanda dərhal tənqid dalğası qalxır.

Bu məni əsəbiləşdirir. Yaradıcılıq və tərəqqi üçün məkan son həddə qədər daralır. Hər kəs nəyisə öyrətməyə çalışır. Ancaq başqalarına çox şey öyrədə bilən futbolçulardır" 

Qeyd edək ki, Bellerin modaya olan xüsusi sevgisi və bununla bağlı hadisələrə görə tez-tez tənqid olunur.

Əlavə edək ki, ispan futbolçu La Liqa klubunun heyətində bu mövsüm 22 matçda iştirak edib.Onun komanda ilə hazırkə əmək müqaviləsi 2028-ci ilin yayına qədər nəzərdə tutulub.Transfermarkt internet portalına görə futbolçunun təxmini dəyəri 7 milyon avrodur.