Messi Lamine Yamal haqda danışdı

“İnter Mayami”nin argentinalı hücumçusu Lionel Messi “Barselona”nın 16 yaşlı futbolçusu Lamin Yamalın çıxışları ilə bağlı fikirlərini bölüşüb.

90deqiqe.Az-ın məlumatına görə, ulduz futbolçu gənc istedadlı futbolçunun oyununa heyran olduğunu bildirib.

"İnsanlar Lamini bir neçə ay əvvəl tanımağa başladılar, amma mən onu 6 ildir ki, La Masiada Madridə qarşı çıxış edəndə və həmin görüşdə 3 qol vuranda tanıdım. Onun bu qolları necə dəqiq vurduğuna da heyran oldum" - deyə Messi X sosial şəbəkəsində (keçmiş Twitter) Xavi Era hesabından sitat gətirib.

Yamal kataloniyalıların yetirməsidir və 2023-cü ilin yayında "Barselona"nın əsas komandasına qoşulub. Bu mövsüm 16 yaşlı futbolçu "Blauqrana"nın heyətində bütün yarışlarda 34 oyun keçirib, o, 5 qol vurub və 5 məhsuldar ötürmə edib. Transfermarkt internet portalına görə futbolçunun bazar dəyəri 60 milyon avrodur.