- İspaniya L.L.
- 16:05 07.09.2024
"Real Madrid"ə keçməyə hazırlaşan PSJ-nin hücumçusu Kilian Mbappenin forma nömrəsi bəlli olub.
90deqiqe.Az xəbər verir ki, Madrid klubu hazırda Luka Modriçin geyindiyi 10 nömrəli formanı fransız forvarda yazıb.
Qeyd edək ki, hazırda forvard Paris komandasında yeddi nömrə altında çıxış edir.
Xatırladaq ki, daha əvvəl İspaniya komandasının Mbappe ilə 2029-cu ilə qədər müqavilə imzaladığı bildirilirdi. Mbappenin Real Madridlə müqaviləsi 2024-cü il iyulun 1-dən qüvvəyə minəcək. Bir gün əvvəl Kilian PSJ rəhbərliyi ilə görüşdü və ona müqaviləni uzatmaq üçün yeni təkliflər etməməyi xahiş etdi, çünki o, artıq "Real"la müqavilə imzalamışdı.
Mbappe 2018-ci ildən PSJ-də çıxış edir. Bu müddət ərzində o, bütün turnirlərdə 290 matçda iştirak edib, 243 qol vurub, 105 məhsuldar ötürmə edib. Futbolçunun klubla hazırkı əmək müqaviləsi 2024-cü ilin yayına kimi nəzərdə tutulub.