Kurtuadan şad xəbər

"Real Madrid"in qapıçısı Tibo Kurtua komandanın ümumi qrupunda məşqdə iştirak edib.

90deqiqe.Az xəbər verir ki, belçikalı qolkiper topa nəzarət və topa sahiblik hərəkətlərində iştirak edib. Onun qayıdışının aprelin əvvəlinə planlaşdırıldığı da bildirilir.

Xatırladaq ki, Tibo Kurtua İspaniya Primerasının başlamasına iki gün qalmış mövsümöncəsi məşq zamanı dizinin ön çarpaz bağını qoparmışdı. Onun yerinə İngiltərənin “Çelsi” klubundan qapıçı Kepa Arrizabalaq icarəyə götürülüb. Ümumilikdə, belçikalı qolkiper Madrid klubunun heyətində 230 matçda iştirak edib, bu oyunda 219 qol buraxıb və 91 topa qapısını toxunulmaz saxlayıb.