Xavi: "Barselona"nın dəyişikliyə ehtiyacı olduğuna əminəm"

Cari mövsümün sonunda postunu tərk edəcək "Barselona"nın baş məşqçisi Xavi hesab edir ki, komandaya dəyişiklik lazımdır.

90deqiqe.Az xəbər verir ki,ispan çalışdırıcı gələcəklə bağlə qərarını dəyişməyəcəyini bildirib.

“Gələcəklə bağlı qərarım dəyişməyəcək. Əminəm ki, bu klubun dəyişikliyə ehtiyacı var. İyun ayına hələ bir-iki ay qalıb, amma qərarımı zərurət hesab edirəm. Bu, mənə və əlbəttə ki, kluba daha çox yaraşır”, – Xavi "X" (keçmiş Twitter) sosial şəbəkəsində məşhur jurnalist və insayder Fabrizio Romano deyib.

Xatırladaq ki, Xavi kataloniyalılara 2021-ci ilin noyabrından rəhbərlik edir. Daha əvvəl ispaniyalı mütəxəssis mövsümün sonunda "Barselona"dan ayrılacağını açıqlamışdı. Hazırda Kataloniya klubunun başında Xavi iki kubok qazanıb: 2022/2023 mövsümündə İspaniya çempionatı və elə həmin il İspaniya Superkuboku.