Deko Xavinin istefası qərarından DANIŞDI

“Barselona”nın idman direktoru Deko Çempionlar Liqasının 1/8 finalında “Napoli” ilə oyundan (1:1) sonra Xavinin gələcək istefasını şərh edib.

90deqiqe.Az xəbər verir ki, o, ispan çalışdırıcının ayrılacağına görə kədərləndiyini bildirib.

“Xavinin ayrılacağına görə kədərlənirəm. O, bizim layihəmizin bir hissəsidir. Amma o, tamamilə müstəqil qərar verib, bu, şübhəsiz ki, onun şəxsi qərarıdır. Əsas odur ki, komanda buna düzgün reaksiya versin. Hazırda o, yaxşı işləyir.”, - Sky Sport Italia Deco-dan sitat gətirir.

Qeyd edək ki, ispaniyalı mütəxəssis 2021-ci ilin noyabrından kataloniyalılara rəhbərlik edir. Xavi daha əvvəl mövsümün sonunda "Barselona"dan ayrılacağını açıqlamışdı. Hazırda Kataloniya klubunun sükanı arxasında olan Xavi iki kubok qazanıb: 2022/2023 mövsümündə İspaniya çempionatı və elə həmin il İspaniya Superkuboku.