"Dünyada De Yonq kimi oyunçular azdır"

İspaniya La Liqasının 26-cı tur çərçivəsində "Barselona" evdə “Xetafe”yə darmadağınla qalib gəlib (4:0).

90deqiqe.Az xəbər verir ki, kataloniyalıların baş məşqçisi Xavi  sözügedən matçda komandanın qollardan birinə imza atan Frenkie De Yonqla bağlı bunları deyib.

"Frenkie mükəmməllikçidir, buna görə də "Barselona"nın oyunçusu oldu. Özünə qarşı çox tələbkardır. O, dünyanın ən yaxşı yarımmüdafiəçilərindən biridir.

Dünyada Frenki kimi oyunçular azdır. Onun keyfiyyətləri ilə onunla istənilən üslubda futbol oynaya bilərsiniz. Top onun ayağında olanda çox sakit oluram. Bəzən o, həddən artıq toxunuşlar edə bilər, amma bilirəm ki, o, topa sahib olmağı itirməyəcək”, - deyə Xavinin sözlərini Barca Times yayıb.

Bu mövsüm de Yonq bütün yarışlarda 26 "Blauqrana" matçında iştirak edib və iki qol vurub. Futbolçunun İspaniya klubu ilə hazırkı əmək müqaviləsi 2026-cı ilin yayına kimi nəzərdə tutulub. Nüfuzlu “Transfermarkt” internet portalında verilən məlumata görə, futbolçunun bazar dəyəri 80 milyon avrodur.