"Barselona" onların maaşlarını ödəməyə davam edir

"Barselona" klubu keçmiş oyunçuları, hazırda "İnter Mayami" çıxış edən Lionel Messi, Jordi Alba və Serxio Busquetsə maaş ödəməyə davam edir.

90deqiqe.Az "Cadena Ser"ə istinadən xəbər verir ki, futbolçular kataloniyalıların maaş fondunun bir hissəsidir. Klubdan ayrılmasına baxmayaraq, "Barselona"nın hələ də Messi, Alba və Buskets qarşısında müqavilə öhdəlikləri var. Buna səbəb koronavirus pandemiyası zamanı imzalanan və klubun bugünkü vəziyyətinə birbaşa təsir edən dəyişikliklərdir.

Hazırda İspaniya Primerasında keçirilən 26 matçdan sonra "Barselona" 57 xalla ikinci pillədə qərarlaşıb.