"Mbappenin "Real Madrid"ə keçməsi əladır"

"Atletiko Madrid"in prezidenti Enrike Serezo PSJ-nin hücumçusu Kilian Mbappenin cari mövsümün sonunda "matrasçılar"ın tarixi rəqibi olan "Real"a keçmək ehtimalı ilə bağlı fikirlərini bölüşüb.

90deqiqqe.Az xəbər verir ki, funksioner, fransız forvardın transferini müsbət olaraq qiymətləndirib.

"İnanıram ki, İspaniya çempionatına komandada xüsusi rol oynayacaq futbolçu gələcək, bu onun üçün çox yaxşıdır. Onun hansı komandada oynayacağı önəmli deyil: "Real Madrid", "Barselona" və ya "Kordoba". Mbappe kimi oyunçuların oynaması üçün İspaniya liqası üçün həmişə çox vacib olub"

Xatırladaq ki, İspaniya La Liqasının 26 turundan sonra “Atletiko” 52 xal toplayaraq, lider “Real Madrid”dən 13 xal geri qalaraq dördüncü pillədə qərarlaşıb.