“Atletiko” “Barselona”dan 80 milyon gözləyir

"Barselona" klubu icarə əsasında çıxış edən hücumçusu João Feliksi "Atletiko Madrid"dən hüquqlarını almaq istəyir.

90deqiqqe.Az "Marca"ya istinadən xəbər verir ki, kataloniyalıların belə pulu yoxdur, ona görə də klub rəhbərliyi futbolçu üçün daha bir kredit götürməyi düşünür. Madrid klubu portuqaliyalı üçün 70-80 milyon avroya istədiyi bildirilir.

24 yaşlı forvard "Blauqrana"da icarə əsasında çıxış edir və bütün turnirlərdə 30 oyun keçirib, 8 qol vurub, 5 məhsuldar ötürmə edib. Eyni zamanda, Transfermarkt internet portalının məlumatına görə, Feliksin bazar dəyəri 40 milyon avrodur.

Hazırda İspaniya Primerasında keçirilən 26 matçdan sonra "Barselona" 57 xalla ikinci pillədə qərarlaşıb. “Matrasçılar” 52 xalla dördüncü yerdədir.