"Barselona" onunla danışıqlara başladı

Almaniya millisinin və "Bavariya"nın keçmiş baş məşqçisi Hans-Diter Flik "Barselona"nın yeni baş məşqçisi olmaq üçün əsas favoritlərdən birinə çevrilib.

90deqiqe.Az-ın məlumatına görə, bu barədə insayder Florian Plettenberq  "X" sosial şəbəkəsində (keçmiş Twitter) yazıb.

O “Barselona”nın Fliklə ilk konkret danışıqları apardığını lakin kataloniya liderləri hələ yeni baş məşqçi ilə bağlı qərar vermədiyini bildirib. Amma Hans-Diterin İspaniya çempionatından bir komandada işləməyə açıq olduğu dəqiqləşir.

Xatırladaq ki, daha əvvəl hazırkı kataloniyalı sükançı Xavi mövsümün sonunda "Barselona"dan ayrılacağını açıqlamışdı.

Xavi 2021-ci ildə "Barselona"ya rəhbərlik edib və həmin mövsüm komandanı İspaniya çempionatında və ölkə Superkubokunda qələbəyə gətirib çıxarıb. İspaniya La Liqasının cari mövsümündə 26 turdan sonra "Barselona" 57 xal toplayaraq üçüncü pillədə qərarlaşıb. Turnir cədvəlinə 65 xalla "Real Madrid" başçılıq edir.