Ançelotti bu ittihamlardan narahat deyil

İspaniya prokurorluğu Karlo Ançelottini “Real” klubunda ilk işlədiyi dövrdə vergi ödəməməsindən şübhələnir.

90deqiqe.Az  xəbər verir ki, prokurorlar italyan çalışdırıcını 2014-2015-ci illərdə 1 milyon avro vergi gizlətməkdə ittiham etsə də, o, bu ittihamlardan narahat deyil.

Xatırladaq ki, bundan əvvəl hüquq-mühafizə orqanlarının italiyalı mütəxəssisin 4 il 9 ay müddətinə azadlıqdan məhrum edilməsini tələb etdiyi bildirilirdi.

İtaliyalı mütəxəssis peşəkar məşqçilik karyerasında ilk dəfə 2013-cü ilin yayında “Real Madrid”ə rəhbərlik edib, 2015-ci ilin mayında isə klubu tərk edib. Bu müddət ərzində Ançelotti Los Blankosa Kral Kubokunu, Çempionlar Liqasını, UEFA Super Kubokunu və FIFA Klublararası Dünya Kubokunu qazanmağa kömək etdi.

1 iyun 2021-ci ildə Karlo Madridə qayıdıb və 2021/2022 mövsümünün nəticələrinə görə, "Real"ı İspaniya çempionatının qalibi etdi. Bu mövsüm La Liqanın 27 turundan sonra Los Blankos 66 xalla turnir cədvəlinə başçılıq edir.