Arauxo "Barselona"da qalacaq? - Laporta açıqladı

"Barselona" müdafiəçi Ronald Arauxo ilə uzunmüddətli əməkdaşlıqda maraqlıdır.

90deqiqe.Az xəbər verir ki, bu barədə Kataloniya klubunun prezidenti Joan Laporta insayder Fabrizio Romanoya açıqlamasında bildirib:

"Bacarsam, ona klubda ömürlük müqavilə təklif edərdim".

24 yaşlı uruqvaylı 2018-ci ildən "Barselona"da çıxış edir. Ümumilikdə, o, Blaugrana üçün 142 oyun keçirib, səkkiz qol vurub və üç məhsuldar ötürmə edib. Bundan əvvəl o, vətəni Uruqvayda “Huracan” və “Rentistas” klublarında çıxış edib. Futbolçunun "Barselona" ilə müqaviləsi daha iki il müddətinə qüvvədədir. Daha əvvəl Araujo ilə "Bavariya"nın maraqlandığı bildirilirdi.