"Gənc futbolçulara təzyiq çox böyükdür" - Levandovski

"Barselona"nın hücumçusu Robert Levandovski sosial şəbəkələrin gənc futbolçulara təzyiqini dəyərləndirib.

90deqiqe.Az xəbər verir ki, polşalı forvard bu təzyiqlərin gənc futbolçulara psixoloji olaraq çox pis təsir etdiyini bildirib.

"Ətrafdakılar [bu oyunçular] bir şey səhv olarsa nələrin baş verə biləcəyinə hazır olmalıdırlar.

İndi tamam başqa nəsil var, onların müxtəlif sosial şəbəkələri var. Və bu, hər şeyi çətinləşdirir, çünki onlar bundan qaça bilmirlər. Dörd divar arasında özlərini bağlaya bilməzlər.

Bu bir problemdir. Əgər bu oyunçular on, on iki, hətta daha çox il buna zehni olaraq dözə bilsələr... Təzyiq çox böyükdür. Bunun öhdəsindən çox az adam gələ bilər."

Daha əvvəl "Mançester Siti"nin futbolçusu sosial şəbəkələrdən istifadə etmədiyini bildirmişdi.