Levandovski: "Mbappedən qorxmuram"

"Barselona"nın hücumçusu Robert Levandovski Kilian Mbappenin "Real"a transferi haqda danışıb.

90deqiqe.Az xəbər verir ki, polşalı forvard fransız oyunçuya qarşı oynamağın əla olacağını bildirib.

“Müqavilə hələ elan olunmayıb, ona görə də şərh vermək mənim üçün çətindir. Kilianı tanıyıram. Onu da bilirəm ki, La Liqada ona qarşı oynamaq əla olacaq. Mən belə bir transferi qorxmadan və ya başqa bir şey olmadan qəbul edəcəm”

Bildiyiniz kimi, 25 yaşlı Kilian Mbappe azad agent kimi PSJ-dən "Real Madrid"ə keçə bilər. Ulduz forvardın Liqa 1 nəhəngi ilə hazırkı müqaviləsi yayda başa çatır. Daha əvvəl mətbuatda Mbappenin "Real"da hansı nömrədə oynayacağı ilə bağlı məlumat yayılmışdı.