2 nəhəng şirkət "Barselona" üçün mübarizə aparır

Almaniyanın “Puma” şirkəti “Barselona” ilə əməkdaşlığa başlamaq üçün danışıqlar aparır.

90deqiqe.Az "Diario Sport"a istinadən xəbər verir ki, Blaugrana sözügedən şirkətdən yeni təklif alıb.

"Puma" kataloniyalılara ildə 120-140 milyon avro ödəməyə hazırdır. Bundan əlavə, "Barça" 100 milyon imza bonusu ala bilər.Alman istehsalçısı mavi qranatlar üçün avadanlıq istehsal etmək hüququ uğrunda Nike ilə rəqabət aparır.

Hazırda "Barselona"nın sponsoru Amerika şirkətidir. "Nike" kataloniyalılara mövsümdə 85 milyon və təxminən 20 milyon bonus ödəyir. Qeyd edək ki, "Barselona" 1998-ci ildən amerikalılarla əməkdaşlıq edir.