Kanselo "Barselona"da ayrılır?

“Barselona”da icarə əsasında çıxış edən “Mançester Siti”nin müdafiəçisi Joao Kanselonun maraqlarını təmsil edən agenti Xorxe Mendes yaxın vaxtlarda müştərisinin gələcəyi ilə bağlı “şəhərlilər”in rəhbərliyi ilə görüş keçirəcək. 

90deqiqe.Az xəbər verir ki, Mendes kataloniyalıların futbolçunu saxlamaqda maraqlı olduğunu rəsmən açıqlamaq niyyətindədir. Söhbət icarə müddətinin uzadılmasından və ya onu sərfəli qiymətə - 20 milyon avrodan çox olmayan qiymətə almaqdan gedir.

Kanselonun "Barselona"da xoşbəxt olduğu və "Mançester Siti"nin baş məşqçisi Pep Qvardiolanın planlarının bir hissəsi olmadığı bildirilir.

29 yaşlı cinah müdafiəçisinin icarə müddəti mövsümün sonunda başa çatır. Onun "Mançester Siti" ilə müqaviləsi 2027-ci ilin iyun ayına qədərdir. Bu mövsüm Kanselo La Liqa və Çempionlar Liqasında 32 oyun keçirib, 4 qol vurub, 4 məhsuldar ötürmə edib və 5 sarı vərəqə alıb. Transfermarkt portalı portuqaliyalıya 40 milyon avro qiymət qoyub.

Xatırladaq ki, Kanselo mart ayında keçiriləcək oyunlar üçün Portuqaliya millisinin heyətində yer alıb.