"Bu, asan qərar idi" - Pike

"Barselona"nın sabiq müdafiəçisi Jerard Pike karyerasını başa vurmasından danışıb.

90deqiqe.Az -ın məlumatına görə, keçmiş ispan oyunçu bu qərarını belə izah edib.

"İnanırdım ki, oynamağı daha tez bitirəcəm, dedim ki, 30 yaşında belə olacaq. Elə an olub ki, mən yalnız "Barselona" olduğu üçün oynayırdım.

Futbolu sevirdim, yarışmağı xoşlayırdım, amma heç vaxt məşq etməyi sevmirdim. Taktikalar, künc zərbələri, üzərində dayanmalı olduğunuz bütün bunlar - mənim üçün hər gün maneəyə çevrildi.

Bu işdir. İnsanlar bunun hobbi olduğunu düşünür, amma belə deyil. Futbola baxmayan və məşq etməyi sevməyən çoxlu futbolçu var.

Bu, xüsusi bir işdir və 20-30 il ərzində bunu edəndə və altı-yeddi yaşında başlayanda elə bir an gəlir ki, deyirsən: “Bəsdir, bəs etdim”.Beləliklə, bir gün dedim ki, “bəsdir”. Bu sadə bir qərar idi."