Del Boske: Vinisiusu olduğu kimi qəbul etmək lazımdır

"Real Madrid"in və İspaniya millisinin sabiq baş məşqçisi Visente del Boske braziliyalı hücumçu Vinisius Juniora qarşı irqçi təhqirlər haqda fikirlərini bölüşüb.

90deqiqe.Az xəbər verir ki, 73 yaşlı mütəxəssis irqçi təhqirlərin zarafatınında xoş olmadığını bildirib.

“Bu münasibət mənim xoşuma gəlmir, xüsusən də belə həssas mövzulara toxunursa. İrqçilik haqqında zarafat da edə bilməzsiniz. İnsanlar başa düşməlidirlər ki, bunu demək çox pisdir. Vinisiusun davranışı? Bu futboldur. Ondan xoşunuza gələ bilər, ya yox. Bununla belə, hər bir oyunçunun öz xarakteri var. Onu olduğu kimi qəbul etmək lazımdır”

İspaniya çempionatının bu mövsümündə Junior 20 oyun keçirib, 12 qol vurub və 4 məhsuldar ötürmə edib.