Laporta "Barselona"nın Fati ilə bağlı planlarından danışdı

"Barselona"nın prezidenti Joan Laporta bu mövsüm "Brayton"da icarə əsasında çıxış edən hücumçu Ansu Fati ilə bağlı klubun planlarından danışıb.

90deqiqe.Az-ın məlumatına görə, funksioner, gənc futbolçunun yenidən icarəyə verilməsini istisna etməyib.

“Ansu bu yaxınlarda zədədən qayıtdı. Mövsümün sonunda "Brayton" ilə vəziyyəti müzakirə edəcəyik və nə baş verəcəyini görəcəyik. Fati razılığa əsasən yayda qayıtmalıdır, lakin bu, hələ də dəyişə bilər”

İngiltərə Premyer Liqasının bu buraxılışında Fati 15 oyun keçirməyi bacarıb və burada iki qol vurub. Daha əvvəl bildirilmişdi ki, “Brayton”un baş məşqçisi Roberto de Zerbi yayda “Barselona”nın başına keçərsə, Ansunun Kamp Nouya qayıtma ehtimalı yüksəkdir.