"Barselona" Haalandın transferində israrlıdı

"Barselona"nın prezidenti Joan Laporta yüksək səviyyəli transfer arzusundadır.

90deqiqe.Az "Mundo Deportivo"ya istinadən xəbər verir ki, funksioner, "Mançester Siti"nin hücumçusu Erlinq Haalandı mavi qranatlının heyətində görmək istəyir.

Kataloniya nəhənginin rəhbərliyi yay transfer pəncərəsi zamanı norveçli forvardı almağı planlaşdırır. Belə ki, Laporta fransalı Kilian Mbappenin transferi üçün "Real Madrid"ə cavab vermək istəyir. Barca prezidenti ümid edir ki, Haalandın agenti ilə yaxşı münasibət bu keçidin baş tutmasına kömək edəcək.

Erlinqin "Siti" ilə müqaviləsi 2027-ci ilin yayına kimi nəzərdə tutulub. Qolçunun bazar dəyəri 180 milyon avro olaraq qiymətləndirilir.