- İspaniya L.L.
- 22:00 22.10.2024
"Barselona"nın prezidenti Joan Laporta və komandanın baş məşqçisi Xavi aprelin 21-də "Real"a qarşı keçiriləcək El Klassikodan sonra danışıqlar aparacaq.
90deqiqe.Az-ın məlumatına görə, kataloniyalıların rəhbərliyi mütəxəssisi Çempionlar Liqasının yarımfinalına yüksələcəyi təqdirdə qalmağa inandırmaq niyyətindədir. Komanda PSJ-ni keçə bilməsə və İspaniyadakı çempionluq yarışından da çıxsa, hazırkı məşqçinin mavi qranatlarla işləməyə davam etməsi şansı minimaldır.
Qeyd olunur ki, Xavinin əsas dəstəkçisi Laportadır və o, bunun ən yaxşı variant olduğuna əmindir. Lakin prezidentin yaxın ətrafının da buna qarşı fikirləri var.
“Barsa”nın rəhbəri həmçinin idman rəhbərliyinə aprelin sonuna kimi başqa məşqçinin dəvət edilməsi üzərində işləməyi qadağan edib.