Niko Uilyams karyerasını harada davam etdirmək istədiyini açıqlayıb

"Atletik"in və İspaniya millisinin hücumçusu Nikolas Uilyams gələcəyi ilə bağlı açıqlama verib.

90deqiqe.Az xəbər verir ki, 21 yaşlı forvard uzun illər klubunda qalmaq istədiyini bildirib.

"Atletik"də daha çox illər oynamaq istəyirəm, burada xoşbəxtəm. Copa del Rey qalibiyyətini qeyd etmək üçün Bilbaoya gəlməyi səbirsizliklə gözləyirəm.

Bu yaxınlarda A komandasında oynadığım Adu Ares və Unai Qomez kimi digər oyunçular kimi müqaviləmi yenilədim. Hər kəs burada qalmaq istəyir və mən bilirəm ki, onlar "Atletik" ilə çox şeyə nail ola bilərlər. Mən burada çox şeyə nail olmaq istəyirəm."

Uilyams 2013-cü ildən "Atletik"də çıxış edir. Onun müqaviləsi 2027-ci ilə qədərdir. Bu mövsüm cinah oyunçusu La Liqa və İspaniya Kubokunda 30 oyun keçirib, 6 qol vurub, 14 məhsuldar ötürmə edib və 7 sarı vərəqə alıb. Transfermarkt portalı 21 yaşlı ispaniyalıya 50 milyon avro qiymət qoyub.

Daha əvvəl "Çelsi"nin Uilyamsla maraqlandığı bildirilirdi.