Kapello həmyerlisi Ançelottini təriflədi

Məşhur italyan baş məşqçi Fabio Kapello "Real"ı təhvil alan həmyerlisi Karlo Ançelotti ilə bağlı fikirlərini bölüşüb.

90deqiqe.Az  xəbər verir ki, o, italyan çalışdırıcının "kral klubu"nu inanılmaz şəkildə idarə etdiyini bildirib.

“Napoli"də onun əsəbi olduğunu, "Everton"da isə tamamilə əsəbi olduğu üçün idarə edə bilmədiyini söylədilər. Daha sonra "Real Madrid"ə gəldi və onları inanılmaz şəkildə idarə etməyə davam edir. Bəlkə də hər hansı bir qərara gəlməzdən əvvəl bir neçə dəfə düşünməliyik”

Onu da xatırladaq ki, Ançelotti 2018-2019-cu illər arasında "Napoli"nin baş məşqçisi olub. Daha sonra 2019-2021-ci illərdə italiyalı mütəxəssis "Everton"u çalışdırıb. Ançelotti 2021/2022 mövsümündə Çempionlar Liqasının kubokunu qazandığı Los Blancos-u 2021-ci ildən idarə edir.

Bu mövsüm 30 həftənin sonunda "Real" 75 xal toplayaraq birinci yeri tutub.