Xavi: "Qalib gəlməli və liderə təzyiq göstərməliyik"

İspaniya La Liqasında “El-Klasiko” həyəcanına  gün qalıb. Lider “Real Madrid” doğma azarkeşləri önündə “Barselona” ilə münasibətlərə aydınlıq gətirəcək. Komandaların xal durumuna nəzər salsaq, 78 xala sahib “Los-Blankos” 1-cidirsə, ondan 8 xal geri qalan Kataloniya klubu sıradadır.

90deqiqe.az xəbər verir ki, matçdan öncə "Barselona"nın baş məşqçisi Xavi Ernandes açıqlam verib. 

"Özümüzü La Liga'da yenidən kəşf etmək üçün fürsət var. Bu oyun mövsümdə ən vacib oyunumuzdur. Qarşımızda isə daha güclü bir "Real Madrid" var və hətta dünyanın ən yaxşı komandasını uzaqlaşdıran bir komanda ilə qarşılaşacağıq. Dünən istirahət etdikdən sonra, bu gün yaxşı məşq prosesi keçirdik. "Real Madrid" dünyanın ən yaxşı komandasına qarşı oyunda müdafiə olunmalı idi. O cür rəqiblə qarşılaşanda bu cür hallar olur. Məsələn bu hal "Real Sosiedad" ilə oyunumuzda baş verdi. "Real Madrid" də müdafiə olunmağa məcbur oldu. Lakin Real çox güclüdür və sabah biz daha diqqətli olmalıyıq. 

"Real Madrid" çoxlu qazanıb, ona görə də özlərinə inamlıdırlar. Deyirlər ki, Real bəxtli komandadır, lakin mən belə düşünmürəm. Onlar çox çalışıblar, komanda olaraq bir-birlərinə çox kömək olublar. Realın etdiklərinin heç biri bəxt deyil. Son 3 mövsümdə "Mançester Siti"ni 2 dəfə mübarizədən kənarlaşdırıblar. Biz isə İspaniyada onlarla mübarizə aparırıq. 

Sabahkı oyun bizim üçün bir final olacaqmı? Bəli, bizim üçün mövsümün ən vacib oyunudur. Qalib gəlməli və liderə təzyiq göstərməliyik. Real'a və bu mövsüm göstərdikləri nəticələrə hörmətlə yanaşırıq. Bizdə də nəticələr yaxşıdır, çünki ötən mövsümə nəzərən bu mövsüm sadəcə 4 xal daha az toplamışıq".

Qeyd edək ki, “Santiaqo Bernabeu” stadionunda keçiriləcək qarşılaşma sabah Bakı vaxtilə saat 23-də başlayacaq.