Kasilyas Ançelottini buqələmunla müqayisə edib

"Real"ın və İspaniya millisinin sabiq qapıçısı İker Kasilyas Madrid klubunun baş məşqçisi Karlo Ançelottini buqələmunla müqayisə edib.

90deqiqe.Az-ın məlumatına görə, 42 yaşlı sabiq qolkiper italyan çalışdırıcının oyunçuların etimadını necə qazana biləcəyini bildiyini bildirib.

“Karlo soyunub-geyinmə otağında oyunçuların etimadını necə qazanacağını çox yaxşı bilir. O, buqələmun kimidir: komandanın tərkibi dəyişə bilər, lakin o, dərhal uyğunlaşır və bu, nəticə şəklində öz bəhrəsini verir. Karlonun "Real Madrid"də olması çox yaxşı haldır, çünki o, həqiqətən də hər şeyi yaxşı qurmağı bilir. O, Madridi və İspaniyanı sevir”

Xatırladaq ki, Çempionlar Liqasının 1/4 finalında “Real Madrid” “Mançester Siti”ni məcmu hesabda məğlub edib. Yarımfinalda Madrid "Bavariya"sı ilə qarşılaşacaq. La Liqada Karlo Ançelottinin yetirmələri ən yaxın izləyicisini 8 xal qabaqlayaraq inamla liderlik edirlər.