El Klasiko'nun qalibi - "Real"

İspaniya La Liqasında 32-ci turun oyunları keçirilir.

90deqiqe.Az-ın məlumatına görə, turun mərkəzi matçında isə lider “Real Madrid” doğma meydanda əzəli rəqibi “Barselona”nı qəbul edib. Kataloniya təmsilçisinin hesabı açdığı qarşılaşmada meydan sahibləri əzmkar qələbə qazanıb.

Altıncı dəqiqədə “Barselona”nın müdafiəçisi Andreas Kristensen hesabı açıb. 18-ci dəqiqədə meydan sahiblərinin hücumçusu Vinisius Junior penaltini dəqiq yerinə yetirib. 69-cu dəqiqədə yarımmüdafiəçi Fermin Lopez Martin "Barselona"nı hesabda önə keçirib. “Real” 73-cü dəqiqədə müdafiəçi Lukas Vaskesin səyi ilə hesabı bərabərləşdirib. Meydan sahiblərinə qələbəni 90+1-ci dəqiqədə fərqlənən yarımmüdafiəçi Cud Bellinqhem gətirib.

"Real" 2023/2024 mövsümü üçün La Liqa turnir cədvəlində birinci yeri tutur. Komanda 32 matçda 81 xal toplayıb. “Barselona” 70 xalla ikinci yerdədir.