Rivaldo “Barselona”ya Mourinyonu dəvət etməyi tövsiyə edib

"Barselona"nın keçmiş futbolçusu Rivaldo kluba "Real"ın sabiq baş məşqçisi Joze Mourinyonu baş məşqçi postuna dəvət etməyi tövsiyə edib.

90deqiqe.Az-ın məlumatına görə, 52 yaşlı sanoq futbolçu portuqaliyalının böyük təcrübəyə sahib olduğunu bildirib.

"Bir çox azarkeş var ki, klublarında prinsipial rəqib üçün işləyən məşqçi və ya oyunçunu görmək istəməz, lakin Mourinyo artıq "Barselona"da idi, o, yaxşı insandır.

Onun xarakteri və pərəstişkarları ilə mübahisəli münasibətləri dərhal suallar doğuracaq, lakin o, qalibdir. Nəzərə alsaq ki, Joze hazırda klubsuzdur, “Barselona” isə məşqçi axtarışındadır, ona komanda ilə dil tapmaq daha asan olacaq. Düşünürəm ki, Mourinyo, bəzi azarkeşlərin ona qarşı mənfi münasibətinə baxmayaraq, güclənəcək.

O, əla iş görə bilərdi, Joze komandanı, Primeranı və Çempionlar Liqasını tanıyır, böyük təcrübəyə malikdir."

Hazırda komandanın sükanı mövsümün sonunda komandanı tərk edəcək Xavidir.