Vinisius əfsanəvi Ronaldonun uğurunu üstələdi

"Real Madrid"in hücumçusu Vinisius Junior İspaniya çempionatının 32-ci turunda "Barselona" ilə dünənki oyunda qola imza atıb.

90deqiqe.Az-ın məlumatına görə, bu qol hücumçunun "El Klasiko"da yeddinci qolu olub. Vinisius vacib komanda matçlarında braziliyalılar arasında bu göstəriciyə görə birinci olub. Junior hərəyə 6 qol vuran Ronaldo və Evanisto de Makedonu qabaqlayıb.

Xatırladaq ki, qarşılaşma “Santyaqo Bernabeu” stadionunda baş tutub və “qaymaqlılar”ın 3:2 hesablı qələbəsi ilə yekunlaşıb. Bu uğurdan sonra Madrid nəhəngi 81 xal toplayıb və ən yaxın rəqibini 11 xal qabaqlayır.