Venger: "Xavinin "Barselona"da qalmasını istərdim"

"Arsenal"ın sabiq baş məşqçisi Arsen Venger Xavinin cari mövsüm başa çatdıqdan sonra "Barselona"dan ayrılmaq qərarına gəldiyi haqda fikirlərini bölüşüb.

90deqiqe.Az-ın məlumatına görə, Venger, ispan çalışdırıcının Kataloniya klubunda qalmasını istədiyini bildirib.

"Düşünürəm ki, Xavi “Barselona”da çox yaxşı iş gördü. Məncə, o, təqaüdə çıxacağını çox erkən elan edib. "Barselona"nın PSJ və "Real Madrid"ə qarşı bəxti gətirmədi, lakin onlar düzgün istiqamətdə getdiklərini göstərdilər. "Barselona"nın futbolçularının yaşına baxanda onların gələcəkdə daha da yaxşılaşacağını anlayırsan. Ona görə də Xavinin Kataloniya klubunda qalmasını istərdim."