Arda Gülər: "Qol atdığım və qazandığımız üçün çox xoşbəxtəm"

90deqiqe.az xəbər verir ki, bu sözləri "Real Madrid" və Türkiyə millisinin üzvü Arda Gülər söyləyib. O, ötən gün "Real Sosyedad" səfərində vurduğu qoldan sonra belə açıqlama verib:

"Əvvəlcə komanda yoldaşlarımı təbrik edirəm. Karlo Ançelottiyə isə mənə güvəndiyi üçün təşəkkür edirəm. Bu gün qol atdığım və oyunu qazandığım üçün çox xoşbəxtəm. 

Məşqlərdə sadəcə fiziki deyil, mental təlimlərə də çox önəm verirəm, səbrlə gözləyirəm. Mental gücüm inkişafa davam edəcək".

Qeyd edək ki, "Real Sosyedad" - "Real Madrid" matçı Arda Gülərin yeganə qolu sayəsində "Kral Klubu"nun xeyrinə bitib.