"Barselona" baş məşqçisini itirə bilər

Hazırda "Barselona"nın ikinci komandasına rəhbərlik edən meksikalı mütəxəssis Rafael Markes cari mövsümün sonunda klubu tərk edə bilər.

90deqiqe.Az-ın "Todofichajes"ə istinadən məlumatına görə, 45 yaşlı məşqçinin "mavi qranatlar"la müqaviləsini uzatmaqda şübhələri var. O, yüksələcəyini və əsas komandada çalışacağını gözləyirdi, lakin Xavi Hernandes klubda qalmağa qərar verib. Markes "Barselona" rəhbərliyinin ona güvənməməsindən məyus olub.

Rafael və Blauqrana arasındakı hazırkı müqavilə 2024-cü ilin iyun ayının sonuna qədərdir. O, 2022-ci ilin yayından komanda ilə işləyir.