Levandovski növbəti mövsüm üçün klubunu seçib

Son həftələr hücumçu Robert Levandovskinin yay transfer pəncərəsində Səudiyyə Ərəbistanına gedə biləcəyi ilə bağlı şayiələr yenidən dolaşmağa başlayıb.

90deqiqe.Az-ın "İspan Sport"a istinadən məlumatına görə,  35 yaşlı forvard yalnız "Barselona"nı düşünür. Levandovskinin 2026-cı ilin ortalarına qədər müqaviləsi var və forvard komanda ilə ən azı daha bir mövsüm oynamağı planlaşdırır.

Qeyd olunur ki, Levandovski bu mövsüm titulların olmamasından narazıdır, lakin o, Xavini tam dəstəkləyir və növbəti mövsümdə Barçanın perspektivlərini yüksək qiymətləndirir.

Polşalı oyunçu öz təcrübəsi sayəsində liderlərdən biri olmaqla, soyunub-geyinmə otağında mühüm rol oynayır. Beləliklə, Robert komanda yoldaşlarını məşqdə daha yaxşı və intensiv işləməyə təşviq edən futbolçular sırasındadır.