La Liqanın ən yaxşı baş məşqçisi açıqlanıb

"Real Madrid"in sükanı arxası Karlo Ançelotti aprel ayında İspaniya çempionatının ən yaxşı məşqçisi seçilib.

90deqiqe.Az xəbər verir ki, müvafiq məlumat La Liqanın rəsmi saytında yerləşdirilib. Mükafat uğrunda mübarizədə “Los Blancos”un baş məşqçisi “Betis”dən Manuel Pelleqrini və “Sevilya”dan Kike Sançes Floresi qabaqlayıb.

Ançelotti bu mövsüm ikinci dəfə La Liqada ayın meneceri mükafatını qazandı - birincisi avqustda idi. Son bir ayda "Real" İspaniya çempionatında üç oyun keçirib və hər birində qalib gəlib - "Malyorka" (1:0), "Barselona" (3:2) və "Real Sosyedad" (1:0). “Real” növbəti matçını aprelin 30-da Çempionlar Liqasında səfərdə “Bavariya”ya qarşı keçirəcək.