Modriç Marselo və Benzemaya çatdı

"Real Madrid" İspaniyada 36-cı çempionluğunu qazanaraq, vaxtından əvvəl təqibçiləri üçün əlçatmaz olub.

90deqiqe.Az-ın məlumatına görə, "Los Blancos"un yarımmüdafiəçisi Luka Modriç bununla da Madrid klubu ilə 25-ci titulunu qazanaraq, bu göstəriciyə görə klubun rekordçuları - Marselo və Kərim Benzema ilə bərabərləşib.

Əlavə edək ki, bu, "Real"ın evdə "Kadisi" məğlub etməsindən (3:0), "Barselona"nın isə səfərdə "Jirona"ya uduzmasından (2:4) sonra mümkün olub. Növbəti matçda Karlo Ançelottinin yetirmələri Çempionlar Liqasının yarımfinalında “Bavariya” ilə qarşılaşacaq. Görüş mayın 8-nə təyin edilib.