Vaskes "Real"la müqaviləsini uzadır

"Real Madrid"in müdafiəçisi Lukas Vaskes son həftələrdə yüksək səviyyəli oyun nümayiş etdirib.

90deqiqe.Az-ın "TodoFichajes"ə istinadən məlumatına görə, bu, onun gələcəyinə təsir etdi - əgər əvvəllər Vaskesin yayda Madrid klubundan ayrılacağı görünürdüsə, indi oyunçu müqavilənin uzadılmasına mümkün qədər yaxındır.

32 yaşlı Vaskes 2025-ci ilin ortalarına qədər davam edəcək yeni müqavilə imzalayacaq. Əmək müqaviləsindəki şərtlər indiki kimi qalacaq.

2023/2024 mövsümündə Lukas Vazkes müxtəlif yarışlarda 34 rəsmi oyun keçirib, iki qol və altı məhsuldar ötürmə edib.