"Barselona" Simonsla müqavilə imzalayacağına əmindir

"Leipsiq"də icarə əsasında çıxış edən PSJ-nin yarımmüdafiəçisi Xavi Simons "Barselona"ya keçə bilər.

90deqiqe.Az-ın "Diario Sport"a istinadən məlumatına görə, "Barselona" rəhbərliyi PSJ-nin gələn yay Simonsu icarəyə götürməyə razılaşacağına əmindir. Bildirilir ki, Simons "Blaugrana"nın qısa siyahısında "Mançester Siti"nin yarımmüdafiəçisi Bernardo Silvadan da yüksək pillədə qərarlaşıb.

Bu mövsüm 21 yaşlı hollandiyalı bütün turnirlərdə 42 matçda meydana çıxıb, 9 qol vurub və 15 məhsuldar ötürmə edib. Transfermarkt portalının mütəxəssisləri Simonsun dəyərini 80 milyon avro qiymətləndirirlər.