“Real”ın baş məşqçisi Modriç və Kroosla bağlı QƏRAR VERDİ

"Real Madrid"in baş məşqçisi Karlo Ançelotti yarımmüdafiəçilər Toni Kroos və Luka Modriçin komandadakı gələcəyi ilə bağlı vəziyyətə aydınlıq gətirib.

90deqiqe.Az bu barədə xarici KİV-lərə istinadən xəbər verir. 

“Hər iki futbolçunun kral klubu ilə müqaviləsi yayda başa çatır. Toni və Luka ilə danışıqlar Çempionlar Liqasının finalından sonra aparılacaq. Onların “Real Madrid”də qalmasını istəyirəm. Kroos bu il “Qızıl Top”a layiqdir, lakin onun qazanacağı ehtimalı azdır. Lakinki o, Çempionlar Liqasını və Avropa Çempionatını qazanarsa, deməli şanslar var”, - deyə italiyalı mütəxəssis bildirib.

Çempionlar Liqasının finalı iyunun 1-də “Uembli” stadionunda keçiriləcək. Həlledici görüşdə “Real” Dortmund “Borussiya”sı ilə qarşılaşacaq.