Rivaldo: "Levandovski əla hücumçudur, amma..."

"Barselona"nın sabiq hücumçusu Rivaldo komandanın futbolçusu Robert Levandovski haqda danışıb. 

90deqiqe.Az xəbər verir ki, 52 yaşlı sabiq futbolçu polşalı forvardın qocaldığını bildirib.

"O, əla hücumçudur, amma bir az qocalıb. Mənim vaxtımda, sən 30 yaşında olanda klub səni satmaq, bazara çıxarmaq imkanları haqqında düşünməyə başlayardı. Levandovski burada cəmi iki mövsüm keçirsə də, "Barsa"ya artıq çempionluq lazımdır"- Rivaldo Sport.es-ə istinadən xəbər verir.

Bu mövsüm Levandovski "blauqrana"nın heyətində bütün turnirlərdə 46 oyun keçirib, 24 qol vurub və 9 məhsuldar ötürmə edib. Futbolçunun klubla əmək müqaviləsi 2026-cı ilin yayına kimi nəzərdə tutulub.