"Barselona"nın sabiq prezidentindən Xavinin fikirlərinə REAKSİYA

"Barselona"nın sabiq prezidenti Joan Qaspar Kataloniya klubunun baş məşqçisi Xavinin komandanın çətin iqtisadi vəziyyəti ilə bağlı heyətin gücləndirilməsinə mane olan sözlərini şərh edib.

Bu barədə 90deqiqe.Az "Barca Universal"a istinadən xəbər verir.

"Xavinin "Barselona"nın gələcəyi ilə bağlı dedikləri xoşuma gəlmədi. Mən ifadə azadlığının tərəfdarıyam, lakin "Blaugrana" məşqçisi nikbinlik və ümid yaymalıdır. Həmişə pozitiv dünyagörüşü və düşüncə tərziniz olmalıdır. Keçən il titul, bu il ikinci yer - başqa komandada böyük uğur olardı”, - J. Qaspar bildirib. 

Qeyd edək ki, mətbuatda “Barselona”nın prezidenti Joan Laportanın mövsümün sonunda klubun baş məşqçisi Xavini istefaya göndərməyi planlaşdırdığı barədə məlumatlar yayılıb. Bildirilib ki, bu qərara səbəb mütəxəssisin komandanın çətin iqtisadi vəziyyəti ilə bağlı dediyi sözlərdir.