"Barselona" Fliklə müqavilənin müddətini razılaşdırıb

"Barselona" alman mütəxəssis Hans-Diter Fliki komandanın baş məşqçisi təyin etməyə yaxındır.

90deqiqe.Az "Todofichajes"ə istinadən xəbər verir ki, tərəflər 2026-cı ilin yayına qədər qüvvədə olacaq əmək müqaviləsi imzalamaq barədə razılığa gəliblər.

Flik "Blaugrana"nın sükanı arxasında ispaniyalı baş məşqçi Xavi Hernandesi əvəz edəcək.

Hans-Diterin son iş yeri Almaniya millisi olub. Mütəxəssis Bundesteam ilə əməkdaşlıq etməzdən əvvəl "Bavariya"da işləyib. İspaniya çempionatının son turu öncəsi “Barselona” turnir cədvəlinin ikinci pilləsində özünə zəmanət vermişdi.