İlkay Xaviyə təşəkkür etdi

"Barselona"nın yarımmüdafiəçisi İlkay Gündoğan Xavi Hernandezin komandanın baş məşqçi postundan qovulmasına münasibət bildirib.

90deqiqe.Az xəbər verir ki, türk əsilli alman futbolçu ispan çalışdırıcıya uğurlar arzulayıb:

“Təşəkkür edirəm, Xavi! Bu mövsüm birlikdə işlədiyiniz üçün çox minnətdaram. Keçən yay məni "Barselona"ya gətirdiyiniz üçün təşəkkür edirəm! Sizə gələcək üçün ən yaxşısını arzulayıram!” 

33 yaşlı yarımmüdafiəçi 2023-cü ilin iyulunda "Barselona"ya keçib. Bu müddət ərzində o, bütün yarışlarda 50 matçda iştirak edib, 5 qol vurub və 13 məhsuldar ötürmə edib. 37 turdan sonra "Barselona" 82 xalla İspaniya çempionatının turnir cədvəlində ikinci yerdədir.