Flik "Barselona" ilə müqavilə imzalayır

"Bavariya"nın və Almaniya millisinin sabiq baş məşqçisi Hans-Diter Flik sabah Barselonada olacaq.

90deqiqe.Az xəbər verir ki, bu barədə jurnalist Fabrizio Romano "X" sosial şəbəkəsində (keçmiş Twitter) məlumat verib.

O, mayın 29-da isə alman çalışdırıcının rəsmi olaraq “Barselona” ilə müqavilə imzalayacağını qeyd edib. Müqavilə iki il müddətinə davam edəcək.

Mayın 24-də “Barselona”nın mətbuat xidməti 2021-ci ilin noyabrından komandaya rəhbərlik edən kataloniyalıların 44 yaşlı baş məşqçisi Xavinin cari mövsüm başa çatdıqdan sonra komandanı tərk edəcəyini rəsmən açıqlayıb.

Xatırladaq ki, 2023/2024 mövsümünün sonunda mavi qranatlar İspaniya futbol çempionatının turnir cədvəlində ikinci yeri tutub.