"Real Madrid" Avropanın ən dəyərli klubu statusunu bərpa etdi

"Real Madrid" Avropanın ən dəyərli klubu statusunu bərpa edib.  

90deqiqe.Az "Football Benchmark"a istinadən xəbər verir ki,  bu mövsüm La Liqa çempionluğunu təmin etmiş və 15-ci ÇL qalibiyyətinə can atan klub, 4,4 milyard funt sterlinq dəyərində qiymətləndirilib.

Keçən il madridliləri geridə qoyan "Mançester Siti" ikinci yerə düşüb və dəyəri 4,3 milyard funt sterlinqdir, lakin onlar şəhər rəqibləri "Yunayted" qabaqlayıblar. "Qırmızı şeytanlar"ın dəyəri 4,2 milyard funt sterlinqdir.

Ümumilikdə, siyahının ilk 10-luğunda altı Premyer Liqa klubu yer alıb, bunlara "Liverpul", "Tottenhem", "Çelsi" və "Arsenal" daxil olmaqla beşinci, yeddinci, doqquzuncu və onuncu yerləri tutublar.

Maraqlıdır ki, ilk 10-luqda olan bütün klubların dəyəri 3 milyard avrodan çoxdur, halbuki "Football Benchmark"ın ilk hesabatında 2016-cı ildə heç bir klub bu həddi aşmamışdı.