Flik Kanselonu "Barselona"da saxlamaq istəyir

"Barselona"nın baş məşqçisi Hans-Diter Flik "Mançester Siti"dən icarəyə götürülən Joao Kanselonu komandada saxlamaqda israrlıdır.

90deqiqe.Az-ın məlumatına görə, "Barselona" hazırda portuqaliyalı oyunçunu saxlamaq üçün çalışır.

“Mavi qranatlar”ın yeni sükançısı Flik şəxsən Kanselo ilə əməkdaşlığın davam etdirilməsini istəyir. Maliyyə problemləri səbəbindən Kataloniya nəhəngi üçün futbolçunu almaq çətin olacaq, ona görə də yenidən icarəyə götürmək üçün cəhd göstərəcək.

30 yaşlı futbolçunun icarə müddəti cari mövsümün sonuna kimi nəzərdə tutulub. Joao Kanselo "Barselona"nın heyətində 42 oyun keçirib, bu oyunda 4 qol vurub və 5 məhsuldar ötürmə edib.